На беразе вадаёма падчас гуляння прапiсалiся гандлёвыя палаткi з усялякiмi пачастункамi, летняе кафэ, атракцыёны, а таксама вялiкая колькасць творчых людзей, гатовых даць майстар-клас усiм, хто таго пажадае.
Дарэчы, жадаючых было нямала. Госцi свята, прагульваючыся па алеях зоны адпачынку, раз-пораз вiталi гаспадароў выставачных стэндаў, да якiх падыходзiлi, каб паспрабаваць сябе ў паперапластыцы, пляценнi з лазы, iнкрустацыi ды ў iншых вiдах хэндмэйда.
Не пуставала i арганiзаваная каля пляжнай зоны возера танцпляцоўка. На сцэне выступалi творчыя калектывы арганiзацый i ўстаноў Чыгуначнага раёна. Спевакаў змянялi танцоры, а тых, у сваю чаргу, тэатральныя артысты. Апошнiя ў сваiм выступленнi распавялi гледачам пра прыгожую гiсторыю кахання, у якой дабро – шчырыя пачуццi галоўных герояў Янкi i Янiны – пермагло зло – шкоднiка Лесуна. Па сцэнарыю, менавiта гэты кепскi персанаж выкраў цудоўную папараць-кветку – сiмвал кахання хлопца i дзяўчыны.
На востраве каскада азёр палымнела вогнiшча, па воднай роўнядзi плылi сплеценыя дзяўчынамi-русалкамi i запушчаныя ў возера вянкi...
Вiзiтнай карткай Купалля на Сельмашы стаў фестываль фарбаў ColorFest, якi прыйшоўся даспадобы не толькi дзецям, але i iх бацькам. Дарослыя госцi свята не саромелiся запэцкацца рознакаляровым парашком пад гукi папулярных музычных кампазiцый. Карацей кажучы, на сельмашаўскiх азёрах у гэты чароўны вечар было ўсё: народныя песнi, мiстычныя танцы, зыркае полымя, ажыўшыя традыцыi продкаў, а галоўнае – цуд, якi адбыўся падчас «пошукаў папараць-кветкi».
Кацярына ДУБАЎЦОВА.
Фота аўтара.